• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    Ələsgərli  Kəmalə Veyis qızı

    Professor, sənətşünaslıq üzrə elmlər doktoru

    Doğum yeri və tarixi: Azərbaycan, Bakı şəh., 07.02.1977

    2000-ci ildə Üzeyir Hacıbəyli adına Bakı Musiqi Akademiyasının tarix-nəzəriyyə fakültəsinin musiqişünaslıq və bəstəkarlıq (professor Xəyyam Mirzəzadənin sinfi) ixtisasları üzrə magistr pilləsini fərqlənmə ilə bitirmişdir. 1994-cü ildə gənc musiqişünasların Üzeyir Hacıbəyli adına I Respublika müsabiqəsində Tərifnamə; “Qönçə-2002” VI Uşaq Musiqi Festivalında Fəxri fərman; 2003-cü ildə “İlin ən yaxşı simfonik musiqisi” nominasiyası üzrə Fəxri fərman; 2004-cü ildə Azərbaycan Respublikası Gənclər, İdman və Turizm Nazirliyinin yaradıcı və istedadlı gənclər üçün təsis etdiyi “Gənclər mükafatı”na layiq görülmüşdür.

    2007-ci ildə “Rəhilə Həsənovanın əsərlərində üslub xüsusiyyətləri” (70-90-cı illər Azərbaycan musiqisi kontekstində) adlı dissertasiya müdafiə edərək, sənətşünaslıq namizədi alimlik dərəcəsi almışdır. 2018-ci ildə “Müasir Azərbaycan musiqisi kontekstində Xəyyam Mirzəzadə yaradıcılığının üslub təkamülü” adlı dissertasiya müdafiə edərək sənətşünaslıq üzrə elmlər doktoru alimlik dərəcəsi almışdır.  Bakı Musiqi Akademiyasının professorudur. Beynəlxalq konfrans və elmi simpoziumların mütəmadi iştirakçısıdır. Dövrü mətbuatda və xarici elmi toplularda çap olunmuş 60-dan artıq analitik məqalə, metodik vəsait, üç monoqrafiya (“Rəhilə Həsənovanın musiqi dünyası”, 2009; “Xəyyam Mirzəzadə”, 2016, “Xəyyam Mirzəzadə və Azərbaycan musiqi postmodernizmi”, 2023) və dərs vəsaitinin (“Musiqili-terminoloji izahatlar”, 2013) müəllifi, iki cilddən ibarət “Xəyyam Mirzəzadə: fikirlər, düşüncələr, məqalələr” və “Xəyyam Mirzəzadə barəsində yazılar, fikirlər, məqalələr, düşüncələr” adlı kitablarının (2011) tərtibçisidir. 2014-cü ildə Azərbaycan Elm və Mədəniyyət xadimləri. Bəstəkar Xəyyam Hadi oğlu Mirzəzadənin biblioqrafiyası çapdan çıxmışdır. 2021-ci ildə Üzeyir Hacıbəyli adına Bakı Musiqi Akademiyasının 100 illik yubileyinə, professor Ülviyyə İmanovanın 75 illiyinə həsr olunmuş “Seçilmiş elmi əsərlər” məqalələr toplusu nəşr olunmuşdur.

    Back to Top