Bəhmənli Rauf Bəhram oğlu

Sənətşünaslıq üzrə fəlsəfə doktoru

Doğum yeri və tarixi: Azərbaycan Respublikası, Sumqayıt şəhəri, 20.03.1967.

İş yeri və vəzifəsi: Üzeyir Hacıbəyli adına Bakı Musiqi Akademiyasının “Şifahi ənənəli Azərbaycan professional musiqisi və onun yeni istiqamətlərinin tədqiqi: orqanologiya və akustika” elmi tədqiqat laboratoriyasında aparıcı elmi işçi vəzifəsində çalışır.

 Təhsili: 1982-1986 – S.Hacıbəyov adına Sumqayıt Orta ixtisas Musiqi məktəbi, “xalq çalğı alətləri” şöbəsi, tar ixtisası (fərqlənmə diplomu ilə bitirmişdir); 1991-1996 – Ü.Hacıbəyli adına Bakı Musiqi Akademiyası (o zaman Azərbaycan Dövlət Konservatoriyası), “xalq çalğı alətləri – tar” fakültəsi, ifaçı və müəllim ixtisası.

 Pedaqoji fəaliyyəti: 1986-1989 – Azərbaycan Mədəniyyət Nazirliyinin təyinatına əsasən Ü.Hacıbəyli adına Ağcabədi şəhər İncəsənət məktəbində tar ixtisası üzrə müəllim; 1994-1997 – Bakının Qaradağ rayonu 28 №-li Uşaq Musiqi məktəbində tar ixtisası üzrə müəllim; 1997-1999 – Y.Rüstəmov adına 16 №-li Bakı Peşə Liseyində Musiqi müəllimi; 1999-2014 – Ə.Kazımov adına tam orta məktəbdə Musiqi müəllimi.

 Elmi fəaliyyəti: 2014-2015 – Azərbaycan Milli Konservatoriyası “Milli musiqinin tədqiqi” elmi tədqiqat laboratoriyasında elmi işçi; 2015-ci ildən hal-hazıra kimi Ü.Hacıbəyli adına Bakı Musiqi Akademiyasında elmi işçi, 2019-cu ildən böyük elmi işçi, 2022-ci ildən isə aparıcı elmi işçi vəzifəsində çalışır. 2018-ci il 30 oktyabr tarixində “Sənətşünaslıq üzrə fəlsəfə doktoru” elmi adını almaq üçün “Azərbaycan xalq rəqslərinin ritmik xüsusiyyətləri” adlı dissertasiya işini müdafiə etmiş və 11.02.2020-ci ildə Azərbaycan Respublikasının Prezidenti yanında AAK-nın “Sənətşünaslıq üzrə fəlsəfə doktoru” diplomunu almışdır.

2015-ci il (sentyabr) İtaliyanın Verona şəhərində keçirilən “IX Beynəlxalq Türk mədəniyyəti, incəsənəti və mədəni irsin qorunması”na həsr olunmuş simpozium; 2018-ci il (oktyabr) Türkiyənin Bodrum şəhərində “IV.Uluslararası müzik ve dans kongresi”; 2019-cu il (aprel) Azərbaycan Respublikasının Əqli Mülkiyyət Agentliyinin təşkilatçılığı ilə UNESCO tərəfindən elan olunan 23 aprel – “Ümumdünya kitab və müəlliflik hüququ günü”nə həsr olunmuş “Qədim mətnlər və klassik mənbələr erməniçilik saxtakarlıqlarını və uydurmalarını ifşa edir” mövzusunda konfrans; 2019-cu il (oktyabr) Azərbaycan Televiziyası “Mədəniyyət” kanalının təşkilatçılığı ilə Beynəlxalq Muğam Mərkəzində keçirilən “Azərbaycan milli nəfəs alətlərinin təbliği və tədqiqi” mövzusunda elmi-praktiki konfrans; 2019-cu il (dekabr) Bakı Xoreoqrafiya Akademiyasının görkəmli rəqs ustası, Azərbaycan Respublikasının xalq artisti Əminə Dilbazinin 100 illik yubileyinə həsr etdiyi elmi sessiya; 2020-ci il 6 noyabr tarixində “Mədəni Əlaqələr İnkişafına Dəstək” İctimai Birliyi Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının və Beynəlxalq Münasibətlərin Təhlili Mərkəzinin dəstəyi ilə onlayn qaydada keçirilən “Azərbaycan musiqisinə qarşı aparılan işğalçılıq siyasətinə dair” beynəlxalq konfrans-konsert; 2021-ci il (mart) Üzeyir Hacıbəyli adına Bakı Musiqi Akademiyası tərəfindən “31 mart Azərbaycanlıların Soyqırım Günü”nə həsr edilmiş “Azərbaycan xalq musiqisinə qarşı erməni plagiatı” mövzusunda onlayn qaydada keçirdiyi Respublika elmi-praktiki konfrans; 2021-ci il 29-30 aprel tarixində Ü.Hacıbəyli adına BMA tərəfindən “Bakı Musiqi Akademiyasının 100 illiyi çərçivəsində” onlayn qaydada keçirilən “Etnoorqanologiya: Aktual promlemlər və vəzifələr” mövzusunda Beynəlxalq elmi-praktiki konfrans; 2021-ci il (may) Türkiyənin Çeşme şəhərində “VII.Uluslararası müzik ve dans kongresi”; 2021-ci il (oktyabr) Bakıda keçirilən “8.Uluslararası müzik ve dans kongresi”; 2022-ci il 30 aprel – 2 may tarixlərində Bakı Xoreoqrafiya Akademiyasının təşkilatçılığı ilə keçirilən “Beynəlxalq Rəqs Günü”nə həsr olunmuş Beynəlxalq elmi simpozium; 2022-ci il (09-12 May) 1.International Turkic World Music and Dance Symposium (I.Uluslararası Türk Dünyası Müzik ve Dans Sempozyumu); 11 iyun 2022-ci ildə Özbəkistan Dövlət Konservatoriyasının 85 illiyinə həsr olunmuş “Musiqa ta´limi va fan taraqqiyotining asosiy omillari” (Основные тенденции развития музыкального образования и науки) adlı Beynəlxalq elmi-praktiki konfrans; 6-7 dekabr 2022-ci ildə Azərbaycan Respublikası Elm və Təhsil Nazirliyinin təşkilatçılığı ilə Ü.Hacıbəyli adına Bakı Musiqi Akademiyasının “Ənənəvi və klassik dəyərlər multikultural mühitdə” mövzusunda keçirdiyi Beynəlxalq fənlərarası elmi-praktiki konfrans; 22 dekabr 2022-ci ildə Azərbaycan Respublikası Elm və Təhsil Nazirliyinin təşkilatçılığı ilə Ü.Hacıbəyli adına Bakı Musiqi Akademiyasının “Hərbi musiqi: tarix və müasirlik” mövzusunda Respublika elmi-praktiki konfransının iştirakçısıdır. Azərbaycan Respublikasının Prezidenti yanında AAK-nın 10.06.2022 ci il tarixli qərarı ilə elmi fəaliyyətinə görə “Dosent” elmi adı verilmişdir.

 

Elmi nəşrləri: 1 monoqrafiya, 10 məcmuənin, 27 elmi məqalənin müəllifidir.

Məcmuələr;

1. Bəhmənli R.B. Azərbaycan xalq rəqsləri. Bakı, “Adiloğlu”, 2002, 158s.
2. Bəhmənli R.B. Azərbaycan yallıları. Bakı, “Mütərcim”, 2018, 140 s.
3. Bəhmənli R.B. Azərbaycan qaytağı rəqsləri. Bakı, “Mütərcim”, 2019, 72s.
4. Bəhmənli R.B. Ermənilərin saxtalaşdırdığı Azərbaycan xalq rəqsləri. Bakı, “Elm və təhsil”, 2020, 88 s.
5. Bəhmənli R.B. Azərbaycan cəngi rəqsləri. Bakı, “Şərq-Qərb”, 2021, 64 s.
6. Bəhmənli R.B. Azərbaycan gəlin havaları. Bakı, “Elm və təhsil”, 2021, 36 s., (əlavə CD-disk)
7. Bəhmənli R.B. Azərbaycan qədim rəqs havaları. Monoqrafiya. Bakı, “Şərq-Qərb”, 2021, 672 s.
8. Bahmanli R.B. Azerbaijani folk dances falsified by armenians. Baku, “Science and education”, 2021, 84 p.
9. Bəhmənli R.B. Azərbaycanın unudulmuş marşları. Bakı, “CBS PP”, 2021, 52 s.
10. Bəhmənli R.B. Erməni plagiatına məruz qalmış Qərbi Azərbaycan yallıları. Bakı, “İmza” nəşrlər evi, 2022, 112 s.
11. Bəhmənli R.B. Qara kürd zərb muğamı. Bakı, “CBS PP”, 2022, 20 s.

 

      Türkiyənin“Rast”, Rusiyanın “Musiqi və zaman” (Музыка и время) beynəlxalq dərəcəli, eləcə də “Musiqi dünyası”, “Müasir Mədəniyyətşünaslıq”, “Konservatoriya”, “Sənət Akademiyası”, “Naxçıvan”, “Mədəniyyət”, “Dədə Qorqud” və s. kimi Respublika dərəcəli nüfuzlu jurnallarda və elmi toplularda 30-dan çox elmi məqaləsi nəşr edilmişdir.