• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    8 oktyabr  2025-ci il

    8-9 noyabr 2025–ci il - musiqi dünyasının aparıcı simalarının bir araya gəldiyi tarixlərdir.

    Bu tarixlər Qazaxıstan respublikasında baş tutan, musiqi mədəniyyəti üçün mühüm əhəmiyyət kəsb edən tədbirlərlə, görüşlərlə yadda qaldı.

     Bu dəfə ölkəmiz Qazaxıstanda böyük nüfuz qazanan “Zarina Altynbayeva Youth Music Competition V” (ZAYMC 2025) beynəlxalq müsabiqəsində layiqincə təmsil olundu. 

    Müsabiqə çərçivəsində Bakı Musiqi Akademiyasının nümayəndəsinin fəaliyyəti xüsusi maraqla qarşılandı. 

    8 noyabr tarixində Azərbaycan Respublikasının Xalq artisti, Üzeyir Hacıbəyli adına Bakı Musiqi Akademiyasının Beynəlxalq əlaqələr və sosial məsələlər üzrə prorektoru, professor Yeganə Axundova tərəfindən Kurmanqazı adına Qazaxıstan Dövlət Konservatoriyasında keçirilən ustad dərsləri, professor-müəllim heyəti və tələbələrlə görüşlər Azərbaycan musiqi məktəbinin tədris metodları, ifaçılıq ənənələri və pedaqoji yanaşmalarının təqdimatı baxımından olduqca əhəmiyyətli oldu.

    Ustad dərsin ən dəyərli cəhətlərindən biri də müzakirə mədəniyyəti idi: tələbələr öz ifalarından sonra suallar verdilər, müşahidələrini paylaşdılar və professor Yeganə Axundovanın hər bir detalı incəliklə analiz etməsi ilə həm nəzəri, həm praktiki baxımdan yeni biliklər qazandılar.

    Back to Top