22 may 2025-ci il tarixində Əməkdar müəllim, respublika və beynəlxalq müsabiqələr laureatı, sənətşünaslıq üzrə fəlsəfə doktoru, Bakı Musiqi Akademiyasının professoru Məleykə Əhədzadənin Azərbaycan Milli Konservatoriyası nəzdindəki Musiqi Kollecində ustad dərsi keçirildi. 

Dərsdə kollecin müəllim və tələbələri, bir çox musiqi məktəblərinin müəllim və şagirdləri iştirak etmişdilər.

Kollecin tələbələri dərsdə müxtəlif janrlarda yazılmış əsərləri ifa etmiş və tanınmış ifaçı və müəllim Məleykə xanımın dəyərli tövsiyələrini dinləmişlər. 

Ustad dərsində professor M.Əhədzadə tələbələrlə əsasən intonasiya, ritm, səslənmə üzərində işləmiş, əsərlərin ideya-məzmunu, əsərin forması və xarakterinin düzgün verilməsi haqda öz qiymətli fikirlərini gənc musiqiçilərlə bölüşmüş, texniki çətinliklər üzərində iş aparılmışdır. 

Professor Məleykə Əhədzadənin Musiqi Kollecində keçirilən ustad dərsi müəllim və tələbələr tərəfindən diqqətlə dinlənildi və dərs yüksək peşəkar səviyyədə keçirildi. 

Sonda M.Əhədzadə kollecin müəllim və tələbələrinə uğurlar arzulamışdır.