• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    6 dekabr  2022-ci il

    2022-ci il 6-7-8-9 dekabr tarixlərində Üzeyir Hacıbəyli adına Baki Musiqi Akademiyasında  Estoniya Musiqi və Teatr Akademiyasının audiovizual yaradıcısı və bəstəkarı Einike Leppik Erasmus proqramı çərçivəsində  "Müasir bəstəkarlıq və elektroakustik dizayn" mövzusunda ustad dərsləri keçirdi.

    Ustad dərslərdə tələbələr yeni musiqi texnologiyalarının axtarışı, müasir incəsənətdə audivizual əsərlərin yaradılması, yeni cərəyanların tədqiq edilməsi, müasir dövr incəsənətində bəstəkarların üslubları, elektron və rəqəmsal bəstəkarlıq haqqında yeni biliklər və məlumatlar əldə etdilər.

    Back to Top