• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    8 mart 2019-cu

    8 mart 2019-cu il tarixində Ü.Hacıbəyli adına Bakı Musiqi Akademiyasının Böyük Zalında məşhur violinoçu, pedaqoq, professor Eduard Vulfsonun ustad dərsi keçirilmişdir.


    Ustad dərsində Ü.Hacıbəyli adına Bakı Musiqi Akademiyasının məzun və tələbələri Abbasova Ümidə, Aslanlı Nəzrin, Kərimli Qəmər, fortepiano kvarteti – Leyla Zeylanova, Fatimə Nəsirli, Əli Əmişov, Əsmər Kərimli iştirak ediblər. Dərsdə Brams- Konsert, Şosson – Poema, Sibelius- Konsert, Bramsın- Kvartet əsərləri ifa edilib. Eduard Vulfson iştirakçılara ifaçılığın xırda sirlərini açıqlayaraq, hər bir detalı böyük ustalıqla izah edib.
    Ustad dərsində Bakı Musiqi Akademiyasının rektoru, SSRİ və Azərbaycanın xalq artisti, professor Fərhad Bədəlbəyli, İsrailin Tel-Əviv Universiteti nəzdində "The Buchmann-Mehta School of Music" məktəbinin Beynəlxalq əlaqələr şöbəsinin rəhbəri, tanınmış violonçel ifaçısı və dirijor Dmitri Yablonski və Azərbaycan Respublikası Mədəniyyət Nazirliyinin İncəsənət şöbəsinin müdiri Hüseynov İsmayıl iştirak ediblər. Ustad dərsinin sonunda Bakı Musiqi Akademiyasının rektoru, professor F.Ş.Bədəlbəyli professor Eduard Vulfsona öz təşəkkürünü bildirib.

     

    Back to Top