• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    1 may 2026-cı il

    1 may 2026-cı il tarixində Başqırdıstanın Ufa şəhərində orta ixtisas və ali mədəniyyət-incəsənət müəssisələrinin tələbələri arasında keçirilən Zahir İsmagilov adına "Agidel dalğaları" VI Beynəlxalq Gənc Bəstəkarlar Müsabiqəsinin nəticələri açıqlanıb.

    ​Müsabiqədə Üzeyir Hacıbəyli adına Bakı Musiqi Akademiyasının Bəstəkarlıq kafedrasının tələbələri yüksək nailiyyətlər əldə ediblər.

    ​Kamera ansamblı üçün əsər nominasiyası üzrə professor Ceyhun Allahverdiyevin tələbələri Arsalan Navab Moghadam və Ülvi Hüseynzadə II yerə, Ağabəşir Bayramzadə III yerə; dosent Arzu Məmmədovanın tələbəsi Fatimə Məmmədzadə isə miniatür janrı nominasiyası üzrə II yerə layiq görülüb.

    Back to Top