• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    25 fevral 2026-cı il

    25 fevral 2026-cı il tarixində PanQafqaz gənclər orkestri üçün Gürcüstanın Tsinandali Beynəlxalq festivalı çərçivəsində Üzeyir Hacıbəyli adına Bakı Musiqi Akademiyasında dinləyiş keçirildi.

    Qeyd edək ki, dinləyişdə 20-dən artıq orkestr alətləri ifaçıları iştirak etdilər.

    Dinləyişi Gürcüstanın Tsinandali festivalının rəhbəri tanınmış italiyalı dirijor Claudio Vandelli,  Xalq artisti, Bakı Musiqi Akademiyasının Beynəlxalq əlaqələr və sosial məsələlər üzrə prorektoru, professor Yeganə Axundova, Əməkdar incəsənət xadimi, "Simli alətlər" kafedrasının dekanı, professor Nəzmiyyə Abbaszadə, Akademik Opera və balet teatrının  Simfonik Orkestrinin artisti, Tsinandali Beynəlxalq festivalı nəzdində olan PanQafqaz gənclər orkestrinin üzvü Nicat Məmmədov keçirmişlər. Simfonik orkestr alətləri üzrə gənc ifaçılar dinləyişdə iştirak etdilər. Tələbələr seçdikləri iki əsəri, həmçinin tələb olunan orkestr parçalarını dinləyiş zamanı ifa etmişlər.

    Back to Top