• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    26 mart 2025-ci il

    2025-ci il mart ayında Bakı Şəhər Mədəniyyət Baş İdarəsinin dəstəyi, Qazaxıstan Respublikası  «БАҚЫТТЫ ЕЛДІҢ ҰРПАҒЫ» İctimai Fondu və Bakı şəhəri Cövdət Hacıyev adına 3 nömrəli 11 illik Musiqi Məktəbinin təşkilatçılığı ilə «Біз бақытты баламыз» Beynəlxalq Müsabiqəsi keçirilmişdir. 

    Müsabiqədə Üzeyir Hacıbəyli adına Bakı Musiqi Akademiyasının tələbələri də iştirak etmişdir.

    BMA-nın istedadlı tələbələri Səbinə Həsənzadə Qran Pri, Xədicə Qasımova 1-ci yerə, Xədicə Muxtarova 2-ci yerə layiq görülmüşlər.

    Müəllim BMA-nın professoru, Əməkdar müəllim Hökumə Əliyevaya təşəkkürnamə təqdim edilmişdir.

    Bu uğur münasibətilə müəllim Hökumə xanımı və tələbələri  təbrik edir, uğurlar arzu edirik!

     

     

      

    Back to Top