11 Avqust  - 9 sentyabr 2024- cü il tarixlerinde Gürcüstanın Tsinandali şəhərində keçirilən VI “Tsinandali Beynəlxalq Musiqi festivalı” -nın PCYO (Pan-Caucasian Youth Orchestra) tərkibində bu sezon Bakı Musiqi Akademiyasının tələbələri Ərol Rzayev (cello), Əli Əmişov (viola), Humay Hacızadə (viola), Aslan İslamov (tuba), həmçinin Bakı Musiqi Akademiyasının məzunları Fatimə Nəsirli (violin), Nicat Məmmədov (fleyta) ifa edərək festivalda iştirak etmişdirlər. Olduqca geniş və zəngin orkestr proqramı ilə Dünya səviyyəli musiqiçi solistlər və dirijorlar Gianandrea Noseda, Vasiliy Petrenko, François Leleux ilə 1 ay gərgin məşqlər sonra, 4 konsertdə ifa ediblər. Festivalın orkestr proqramından kənar olaraq, ölkələrim təmsili, mədəni mübadilə üçün Radisson hotel “Courtyard concert” axşam konserləri təşkil olunurdu. Bu konsertlər silsiləsi çərçivəsində Ərol, Humay, Əli, Fatimə Xəyyam Mirzəzadə - “Miniatürlər” simli kvartetini ifa edərək Azərbaycanı təmsil ediblər. Həmçinin Aslan İslamov öz digər ölkələrdən olan kolleqaları ilə “Brass section” olaraq xüsusi və maraqlı proqram hazırlayıb iştirak etmişdilər. Bu festivalda çox gözəl təcrübə qazanıb, karyeraları üçün uğurlu və faydalı olan insanlarla tanış olub, yaxşı əlaqələr qurmağı bacarıb, Azərbaycanı layiqincə təmsil ediblər.