10-21 avqust 2021-ci il
10-21 avqust 2021-ci il tarixində ABŞ-ın Klivlend şəhərində, Klivlend Mədəniyyət Bağlarında «The Stars of Summer» (Yazın Ulduzları) adlı Müğənnilər və Pianoçuların II Beynəlxalq Müsabiqə-Festivalı keçirilib. Müsabiqədə 9 ölkədən ABŞ, Kanada, Avstriya, Azərbaycan, Rusiya, Almaniya, Yunanıstan, Ukrayna və Çindən pianoçu və vokalist iştirak etmişdir.
Müsabiqənin nəticələri etibari ilə Üzeyir Hacıbəyli adına Bakı Musiqi Akademiyasının Xüsusi Musiqi məktəb- studiyası tələbəsi, Müslüm Maqomayev adına Azərbaycan Dövlət Akademik Filarmoniyasının “Gənclərə dəstək” layihəsinin iştirakçısı, beynəlxalq müsabiqələr laureatı Teymur Kazımov müsabiqənin Akademik Vokal nominasiyasında Qran -pri mükafatına layiq görülüb.
Teymur, ölkələrində keçirilən festivallara və tədbirlərə qatılmaq üçün üç xarici münsif üzvündən də dəvət alıb: İtaliya Bağlarında çıxış etmək üçün Joyce Marianid , Klivlend İtalyan Mədəniyyət Bağlarının prezidenti, Rimski-Korsakov adına Sankt-Peterburq Dövlət Konservatoriyasının vokal kafedrasının professoru, Rusiyanın əməkdar artisti Maria Lyudko və Londondakı “Albion Ulduzları” İfaçılıq Sənəti Festivalının Direktoru, müğənni, pianoçu Evgenia Terentyeva tərəfindən
Yarışın sponsoru olan “Geauga West Rotary Club” Teymuru pul mükafatı ilə təmin edib.
Teymur Kazımov həmçinin Klivlend Mədəniyyət Bağlarında avqustun 21-də keçirilən müsabiqə laureatlarının onlayn keçirilən qala konsertində çıxış edib.
Teymurun müsabiqəyə hazırlanmasında BMA məktəb-studiyasının solo ifa sinfi üzrə müəllimi Ofeliya Axundova və BMA konsertmeysteri Dilyarə Kərimova iştirak ediblər.
Azərbaycanı bu müsabiqədə həmçinin beynəlxalq müsabiqələrin laureatı Kamilla Imanova təmsil edib O, Akademik Vokal nominasiyasında birinci yeri qazanıb və eyni zamanda münsiflər heyətinin iki üzvü - Joyce Mariani və Evgenia Terentyevadan dəvət alıb.
«Yaz ulduzları» müsabiqəsinin təşkilatçıları Italiya Mədəniyyət Bağı, Klivlend Tarixi Mədəniyyət Bağları Federasiyası, Rusiyadan olan beynəlxalq tərəfdaşlar (Yelena Obraztsova Mədəniyyət Mərkəzi) ilə əməkdaşlıqda Rus Mədəniyyət Bağı olmuşdur.
Mədəniyyət Bağları, 40-dan çox ölkəni və mədəniyyəti təmsil edən gözəl bağlar, mənzərələr və heykəllər ilə əhatə olunmuş unikal bir açıq hava muzeyidir. Bağlar "qarşılıqlı anlaşma yolu ilə sülhə" həsr olunmuşdur və bu tədbiri təqdim edərək, beynəlxalq harmoniyaya töhfə verməyi ümid edirlər. Azərbaycan Mədəniyyət Bağı 12 may 2008-ci ildə açılmışdır. Məkanın əsas cazibəsi, azərbaycanlı ustad Xanlar Qasımovun əlləri ilə yaradılan “Ocaq” heykəlidir. Azərbaycan mədəniyyət bağı haqlı olaraq Klivlendin ən gözəl mədəni bağlarından biri hesab olunur.
