• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    29-31 may 2020-ci il

    2020-ci il 29-31 may tarixlərində Barselona şəhərində rus klassik musiqisinin “Русская альборада” adlı gənc ifaçılardan ibarət V Beynəlxalq müsabiqə keçirildi. Fortepiano nominasiyası üzrə münsif heyətinin tərkibində Üzeyir Hacıbəyli adına Bakı Musiqi Akademiyasının Tədris İşləri üzrə prorektoru, professor, Əməkdar müəllim, Pedaqoji elmlər namizədi Nərminə Quliyeva iştirak etmişdir.

    Müsabiqə çərçivəsində N.Quliyeva gənc ifaçılara ustad dərs də keçmişdir.

    Müxtəlif nominasiyalar üzrə keçirilən müsabiqədə iştirak edən ifaçılarımız- Fortepiano-solo nominasiyası: Aygül Rzazadə (II yer), Leyla Zeynalova (Qran-Pri), Səbinə Eldarlı (I yer), Nüşabə Hacıyeva (II yer), Nərgiz Əliyeva (I yer), Nigar Heydərli (I yer), Fidan Tağıyeva (II yer), Fatimə Əliyeva (I yer), Fidan Yunus (II yer); İnstrumental ifaçılar nominasiyası: Məhəmmədəli Paşazadə (klarnet, I yer), Səid Bağırzadə (klarnet, I yer), Zakir Allahverdili (qoboy, Qran-Pri), Hüseynzadə Nərgiz (skripka, Diplom); Vokal-solo nominasiyası: Əli Muradov (II yer), Adelin Öztürk (III yer), İnstrumental ansamblı nominasiyası: Raimə Əhmədova və Ülkər Musayeva (4 Diplom); Vokal ansamblı və xorlar nominasiyası: Bakı Musiqi Akademiyasının vokal-xor ansamblı (II yer).

     

     

    Back to Top