• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    14 noyabr 2019-cu il

    14 noyabr 2019-cu il tarixində Bolqarıstanın Stara Zaqora şəhərində Gənc şeypur ifaçılarının 10-cu beynəlxalq müsabiqəsi keçirilib.

    Müsabiqədə Azərbaycan, Bolqarıstan, Macarıstan, Rumıniya, Niderland, İtaliya, Şimali Makedoniya, Rusiya, Almaniya, Xorvatiya və Ukraynadan nümayəndələr təmsil olunub. İştirakçılar 4 yaş qrupu üzrə mübarizə aparıblar. Müsabiqədə iştirakçıların çıxışı məşhur musiqiçilərdən ibarət münsiflər heyəti tərəfindən dəyərləndirilib.
    Ölkəmizdən gənc ifaçılar hər il Stara Zaqora şəhərində keçirilən bu müsabiqədə fəal iştirak edirlər. Müsabiqədə Leopold və Mstislav Rostropoviçlər adına 21 nömrəli Musiqi məktəbinin, Qara Qarayev adına 8 nömrəli Musiqi Məktəbi və Üzeyir Hacıbəyli adına Bakı Musiqi Akademiyasının tələbələri ölkəmizi layiqincə təmsil edərək diplomlarla təltif olunublar. Qeyd edək ki, Bakı Musiqi Akademiyasının tələbəsi Cabir Əliyev III yerlərə layiq görülüb. Eyni zamanda Böyük teatrın solisti, P.İ.Çaykovski adına Moskva Dövlət konservatoriyasının baş müəllimi, Əməkdar müəllim Andrey İkov tərəfindən keçirilən ustad dərsin iştirakçısı olub.
    Nəzərinizə çatdırmaq istərdik ki, Gənc şeypur ifaçılarının beynəlxalq müsabiqəsi 1995-ci ildən keçirilir. İlk olaraq milli əsasda başlayan müsabiqə 4-cü buraxılışdan etibarən xarici iştirakçılar üçün açıq elan edilərək beynəlxalq status alıb. Ənənəvi olaraq müsabiqə laureatları və jürinin, eləcə də Stara Zaqora Dövlət Opera Orkestrinin konserti ilə başa çatıb. Cari il müsabiqə yaradılmasının 25, beynəlxalq müsabiqə kimi 10 illik yubileyini qeyd edir.

     

    Back to Top