• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    30 may 2019-cu il

    “Nəsimi romans” müsabiqə-festivalı


    30 may 2019-cu il tarixində Ü.Hacıbəyli adına Bakı Musiqi Akademiyasının Böyük zalında gənc bəstəkarlar arasında keçirilən “NƏSİMİ ROMANS” müsabiqə-festivalı qaliblərinin mükafatlandırılması və bağlanış konserti keçirilib.
    Qeyd edək ki, “NƏSİMİ ROMANS” müsabiqə-festivalının bədii rəhbəri Ü.Hacıbəyli adına Bakı Musiqi Akademiyasının rektoru, Azərbaycan və SSRİ xalq artisti, Professor Fərhad Bədəlbəylidir. Müsabiqənin münsiflər heyətinin sədri Azərbaycanın görkəmli bəstəkarı, Bəstəkarlar İttifaqının sədri, Azərbaycan Respublikasının xalq artisti, professor Firəngiz Əlizadə və münsiflər heyətinin tərkibi Əməkdar İncəsənt Xadimləri, professorlar Aydın Əzimov, Sərdar Fərəcov, Ceyhun Allahverdiyev, Nazim Mirişli, Cəlal Abbasov, Humanitar fənnlər kafedrasının müdiri, Filalogiya elmləri doktoru, professor, Nəsimişünas Tərlan Quliyev olub.
    Münsiflər heyəti BMA-nın tələbə və məzunlarının Nəsiminin sözlərinə yazılmış yeni 17 romanslarını dinləyib qalibləri müəyyənləşdiriblər. Belə ki, “NƏSİMİ ROMANS” müsabiqə-festivalı çərçivəsində iştirak edən Vüsal Namazlı “Ancaq” romansı I yerə (İfa edir: Bakı Musiqi Akademiyasının IV kurs tələbəsi, Beynəlxalq və Respublika müsabiqələr laureatı, Gənclər mükafatcısı Mahir Tağızadə, Müşayiət edir: Bakı Musiqi Akademiyasının magistr pilləsinin II kurs tələbəsi, Prezident Təqaüdcüsü, Respublika və Beynəlxalq müsabiqələr laureatı Fuad Əlizadə), Elvin Quliyev “Neylərəm” romansı II yerə (İfa edir: Beynəlxalq müsabiqələr laureatı, Azərbaycan Dövlət Akademik Filarmoniyasının solisti Fəxri Kazım-Nicat, Müşayiət edir: Fuad Əlizadə), Aysel Əzizova “Dünya duracaq yer deyil” romansı III yerə (İfa edir: Bakı Musiqi Akademiyasının II kurs tələbəsi, beynəlxalq müsabiqələr laureatı Rza Xosrovzadə, Müşayiət edir: Respublika və beynəlxalq müsabiqələr laureatı Firuzə Nəcəfli), Vəfa Bağırzadə, Sevinc Balabəyova, Vüqar Məmmədzadə isə diploma layiq görülüblər.
    Müsabiqədə səslənən 17 romans Azərbaycan Respublikası Nəsimi rayon İcra Hakimiyyətinin maliyyə dəstəyi ilə toplu şəklində çap olunub. Qeyd edək ki, “NƏSİMİ ROMANS” müsabiqə-festivalı layihəsinin ideya müəllifi və təşkilatçısı Azərbaycan Respublikasının Xalq Artisti, Ü.Hacıbəyli adına BMA-nın Beynəlxalq əlaqələr üzrə prorektoru, professoru Yeganə Axundovadır.

     

    Back to Top