• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    13 oktyabr 2017-ci il

    Ü.Hacibəyli adına Bakı Musiqi Akademiyasında “Bir” Tələbə-Könüllü Proqramının təqdimatı həyata keçirilib


    Oktyabrın 13-ü Ü.Hacıbəyli adına Bakı Musiqi Akademiyasının (BMA) Böyük zalında Azərbaycan Respublikası Təhsil Nazirliyinin “Bir” Tələbə-Könüllü Proqramının təqdimatı həyata keçirilib.


    Bildiyimiz kimi, “Bir” Tələbə-Könüllü Proqramı könüllü tələbələrlə işin təşkilinin sistemləşdirilməsi , vahid məlumat bazasının yaradılması, tələbələrin könüllü fəaliyyətlə məşğul olmasının stimullaşdırılması məqsədilə Azərbaycan Respublikası Təhsil Nazirliyinin təşəbbüsü ilə yaradılıb. Ölkədə bir sıra irimiqyaslı tədbirlərin həyata keçirilməsində və bu tədbirlərin təşkilində tələbə könüllülərin böyük rolunun olduğu danılmazdır. Bu proqram çərçivəsində tələbələr könüllülük fəaliyyətinə və müvafiq tədbirlərə cəlb olunaraq dünya görüşləri genişlənməkdə və akademik təhsildən ayrılmadan sosial aktivliyini artırmaqdadılar. Proqram Azərbaycan Respublikası Təhsil Nazriliyinin tabeçiliyində olan Bakı, Gəncə, Sumqayıt, Mingəçevir və Lənkəran şəhərlərində fəaliyyət göstərən 19 ali təhsil müəssisəsini əhatə edir.


    BMA-da baş tutan təqdimatda Azərbaycan Respublikası Təhsil Nazirliyinin “Bir” Tələbə-Könüllü Proqramının ümumi işlər üzrə koordinatoru Canoğlan İlyasovun çıxışı əsasında tələbələr Proqram, onun fəaliyyəti, uğurları, ilə yaxından tanış olublar. Tələbələrə eyni zamanda videoçarx vasitəsi ilə “Bir” Tələbə-Könüllü Proqramının təlim prosesindən maraqlı kadrlar da nümayiş olunub.