Üzeyir Hacıbəyli adına Bakı Musiqi Akademiyasının Tələbə Elmi Cəmiyyəti “Alleqro” qəzetinin üçüncü buraxılışını oxucularına təqdim etdi. Gənc nəslin elmi düşüncəsinin, yaradıcılıq axtarışlarının və musiqi mədəniyyətinə münasibətinin ifadəsi olan bu buraxılış Azərbaycan musiqişünaslığının aktual məsələlərini, müasir musiqi proseslərini və musiqi irsinin təbliği istiqamətində görülən işləri əhatə edir. “Alleqro”nun üçüncü buraxılışı gənclərin elmi təşəbbüsünün dəstəklənməsi, musiqi haqqında analitik düşüncənin inkişafı və akademik mühitdə yaradıcı əməkdaşlığın möhkəmləndirilməsi istiqamətində növbəti addımdır. Qəzet gənc musiqiçilərin tədqiqatlarını, ideyalarını və sənətə baxışlarını geniş oxucu auditoriyasına çatdıran elmi-ictimai platforma kimi çıxış edir.