Azərbaycan Respublikasının Prezidenti İlham Əliyevin 2020-ci il 3 dekabr tarixli Sərancamı ilə xalqımızın qüdrətinin və milli qürurumuzun təntənəsinə çevrilən, dövlətimizin nüfuzu və gələcək inkişafı baxımından müstəsna

əhəmiyyət kəsb edən bu misilsiz qələbənin əbədiləşdirilməsi məqsədilə hər il noyabrın 8-i Azərbaycan Respublikasında Zəfər Günü kimi təntənəli şəkildə qeyd edilməsi qərara alınmışdır

Bakı Musiqi Akademiyasında Zəfər günü ilə əlaqədar silsilə keçirilən konsertlər, müsabiqələr, festivallarla yanaşı seminarlar da təşkil olunur

07 noyabr 2025-ci il tarixində Üzeyir Hacıbəyli adına Bakı Musiqi Akademiyasında 44 günlük Vətən mübaribəsində şəhid olan igidlərimizin xatirəsi bir dəqiqəlik sükutla yad edildi.

Bakı Musiqi Akademiyasının Tədris işləri üzrə prorektoru, professor Nərminə Quliyeva, “İfaçılıq” fakültəsinin dekanı, professor Nəzmiyyə Abbaszadə, Tarix-nəzəriyyə fakültəsinin dekanı, professor Gülzar Mahmudova, “Humanitar fənnlər” kafedrasının müdiri, professor Tərlan Quliyev və digər professor-müəllim heyəti tərəfindən dərs zamanı ll Qarabağ müharibəsində qazanılan qələbədən, Zəfər günündən mühazirələr keçirilmiş, Azərbaycanın ərazi bütövlüyü uğrunda canından keçmiş qəhrəman övladlarımızın şücaətindən, igidliyindən bəhs olunmuş, xatirələri anılmışdır.

 

Yaşasın Ali Baş Komandan! 

Eşq olsun Müzəffər Azərbaycan Ordusuna!

Qarabağ Azərbaycandır!