• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    6 oktyabr 2025-ci il 

    Üzeyir Hacıbəyli adına Bakı Musiqi Akademiyasında  5 oktyabr Beynəlxalq Müəllimlər Günü münasibətilə tədbir keçirildi.

      Tədbirdə giriş sözü ilə  Akademiyanın Tədris işləri üzrə prorektoru, professor Nərminə Quliyeva və Həmkarlar İttifaqı Komitəsinin sədri, dosent  Aqil  Qafulov  çıxış etdilər. N.Quliyeva, Aqil Qafulov və fakültə dekanları müəllimləri  - Xalq artisti, “Simli alətlər” kafedrasının professoru Zəhra Quliyeva, Xalq artisti, “Solo oxuma və opera hazırlığı” kafedrasının professoru Gülnaz İsmayılova,  “Ənənəvi musiqi və müasir texnologiyalar” kafedrasının dosenti Leyla Zöhrabova, “Konsermeyster ustalığı” kafedrasının dosenti Afaq Aşumova, BMA-nın baş müəllimi Alyona İnyakina, “Fortepiano, orqan və klavesin” kafedrasının baş müəllimi Aytən Bağırovanı peşə bayramı  münasibətilə təbrik edib, gələcək fəaliyyətlərində uğurlar arzuladılar.  Onlara fəxri fərman, gül dəstəsi  və pul mükafatı təqdim edildi.

    Back to Top