• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    4 mart 2025-ci il 

    4 mart 2025-ci il tarixində Üzeyir Hacıbəyli adına Bakı Musiqi Akademiyasında Xalq artisti, BMA-nın Beynəlxalq əlaqələr, sosial məsələlər və ictimaiyyətlə əlaqələr üzrə prorektoru, professor Yeganə Axundova,

    Xarici tələbələrlə İş üzrə şöbə müdiri Röya Hüseynova və şöbənin əməkdaşı Rəşad Məmmədovun iştirakı ilə xarici tələbələrin ənənəvi iclası keçirildi. 

    İclasda  təhsil, tədrislə bağlı aktual mövzular, miqrasiya məsələləri, növbəti aprel ayında baş tutacaq hər il mütəmadi olaraq keçirilən hesabat konserti və s. mövzular müzakirə olundu.

    Sonra tələbələrin fikirləri dinlənildi və onları maraqlandıran suallar cavablandırıldı.

    Xarici tələbələrlə iş üzrə şöbə daim tələbələrlə sıx ünsiyyətdədir. Keçirilən bu tip iclaslar da xarici tələbələrin problemlərinin həllinə, onların ünsiyyətinin gücləndirilməsinə kömək edir. 

    Back to Top