28 fevral 2025-ci il tarixində AMEA - nın əsas binasının Dairəvi akt zalında 01 Mart - Ümumdünya Mülki Müdafiə Gününə həsr olunan "Mülki Müdafiə əhalinin təhlükəsizliyinin təminatıdır"  mövzusunda tədbir keçirildi.  

 Fövqəladə Hallar Nazirliyinin  Mülki Müdafiə işinin təşkili Baş idarəsinin və AMEA - nın birgə təşkilatçılığı ilə gerçəkləşən tədbirdə əməkdar müəllim,  BMA-nın Tədris işləri üzrə prorektoru, professor Nərminə Quliyeva və BMA-nın Mülki Müdafiə Qərargahının rəisi Səidə Turabova iştirak etmişdir.

Tədbirdə Azərbaycan Milli Elmlər Akademiyasının prezidenti akademik İsa Həbibəyli Ümumdünya Mülki Müdafiə Gününün məqsəd və vəzifələri barədə giriş hissədə ətraflı məlumat verdi. Daha sonra tədbirdə FHN-nin Mülki Müdafiə işinin təşkili Baş İdarəsinin rəisi general-mayor Niyazi Zamanov, "Azərcell Telekom " MMC- nin Biznesin Dayanıqlığı şöbəsinin rəhbəri Anar Mirzəyev, "Azərbaycan Dəmir Yolları" QSC - nin SƏTƏM rəhbəri Bəhruz Nəcəfli, Ümumdünya Səhiyyə Təşkilatının Azərbaycandakı Nümayəndəliyinin Səhiyyə fövqəladə hallar proqramının rəhbəri doktor Kamran Məşhədi günün mövzusuna dair çıxışlar etdilər.