28 oktyabr 2024-cü il tarixindən Kurmanqazı adına Qazaxıstan Milli Konservatoriyasının tələbələrinin Üzeyir Hacıbəyli adına Bakı Musiqi Akademiyasında keçdikləri elmi-ixtisasartırma dərsləri  davam etməkdədir. 

Bu günlər ərzində tələbələr Bakı  Musiqi Akademiyasının professor-müəllim heyəti ilə görüşmüşlər.

Tələbələr Əməkdar İncəsənət Xadimi, BMA-nın Elm və yaradıcılıq işləri üzrə prorektoru, professor Gülnaz Abdullazadə, Xalq artisti, Bakı Musiqi Akademiyasının Beynəlxalq əlaqələr və sosial məsələlər üzrə prorektoru, professor Yeganə Axundova, Əməkdar müəllim, BMA-nın Tədris işləri üzrə prorektoru, professor Nərminə Quliyevanın, sənətşünaslıq üzrə fəlsəfə doktoru, dosent Nuridə İsmayılzadənin qəbulunda olmuş, onlar tələbələrin dərsləri, problemləri ilə maraqlanmış, uğurlar arzulamışlar. 

Tələbələr də onlara yaradılan şəraitə və dəstəyə görə Akademiyanın rəhbərliyinə-başda Xalq artisti, BMA-nın rektoru, professor Fərhad Bədəlbəyliyə və professor-müəllim heyətinə dərin təşəkkürlərini bildirmişlər.

Asudə vaxtlarında isə tələbələr Bakı şəhərində keçirilən müxtəlif tədbirlərə baş çəkdilər, Müslüm Maqomayev adına Azərbaycan Dövlət Akademik Filarmoniyasında baş tutan konsertləri böyük maraqla izlədilər.