• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    9-11 iyul  2024-cü il

    2024-cü il 9-11 iyul tarixlərində Qazaxıstan, "Astana Stars" təşkilatçılığı ilə Azərbaycanda 2-ci beynəlxalq konkurs-festival "Azerbaijan Grand Festival" keçirilmişdir. Bu festivalda Üzeyir Hacıbəyli adına Bakı Musiqi Akademiyasının  “Fortepiano” fakültəsinin magistr 1-ci kurs tələbəsi Rəhimə Əhmədova (müəllim: Xalq Artisti, professor Yeganə  Axundova) iştirak edərək laureat 1-ci yerə layiq görülmüşdür. 

    Bu səbəbdən müəllim - Xalq Artisti, BMA-nın Beynəlxalq əlaqələr, Sosial Məsələlər və İctimaiyyətlə əlaqələr üzrə  prorektoru, professor Yeganə xanım Axundovaya  təşəkkür məktubu göndərilmişdir.

    Böyük nailiyyət əldə edilməsi ilə əlaqədar müəllim və tələbəni təbrik edir, uğurlar arzulayırıq!

      

    Back to Top