• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    20 iyun 2024-cü il

    Dünyanın ən qədim piano alətinin istehsalçılarından biri olan Avstriyanın “Bösendorfer” şirkətinin nümayəndələri: idarəetmə direktoru Sabine Grubmüller və konsultant Olga Huber 20 iyun 2024-cü il tarixində Üzeyir Hacıbəyli adına Bakı Musiqi Akademiyasına təşrif buyurdular.
    Nümayəndə heyəti BMA-nın rektoru, Xalq artisti, professor Fərhad Bədəlbəyli və BMA-nın Beynəlxalq əlaqələr, sosial məsələlər və ictimaiyyətlə əlaqələr üzrə prorektoru, professor, Xalq artisti Yeganə Axundova, ilə görüş zamanı “Bösendorfer” şirkətinin fəaliyyəti, şirkətdə istehsal olunan alətlərin satışı ilə bağlı məlumat vermiş və gələcəkdə yeni layihələrlə bağlı müzakirələr aparılmışdır. 
    Qeyd edək ki, görüşdə Azərbaycan Respublikasının Mədəniyyət Nazirinin müavini Xalq artisti Murad Hüseynov, Müslüm Maqomayev adına Azərbaycan Dövlət Akademik Filarmoniyasının müdiri Xalq artisti Murad Adıgözəlzadə iştirak etmişlər.

    Back to Top