27 may 2024-cü il tarixində Azərbaycan Tibb Universitetinin Tədris İdman Kompleksində Gənclər və İdman nazirliyi  Bakı şəhər Gənclər və İdman İdarəsi və ATU-nun “Təbib” İdman Klubunun birgə təşkilatçılığı ilə ali təhsil müəssisələrinin tələbələri və əməkdaşları arasında 8 idman növü üzrə “Zəfər festivalı – 2” adlı idman yarışlarının təltif olunma mərasimi keçirildi.

Yarışlara 23 Ali təhsil müəssisəsindən 600-ə yaxın idmançı qatılmışdır. 

Tədbirdə Milli Məclisin vitse-spikeri, Gənclər və idman komitəsinin sədri Adil Əliyev və Nəsimi Rayon İcra Hakimiyyətinin başçısı, Azərbaycan Tibb Universitetinin rektoru, professor-müəllim heyəti və tələbələri, “Təbib” idman klubunun sədri, YAP Nəsimi rayon təşkilatının sədri, "Gənclik” Tələbə İdman Cəmiyyətinin və Nəsimi rayon Gənclər və İdman İdarəsinin təmsilçiləri iştirak etdilər.

Üzeyir Hacıbəyli adına Bakı Musiqi Akademiyasının əməkdaşı, dosent Züleyxa Abdulla şahmat üzrə yarışda 2-ci yer qazandığına görə gümüş medal ilə təltif olunmuşdur.

Qələbə münasibətilə Züleyxa xanım Abdullanı təbrik edir, uğurlar arzulayırıq!