17 may 2024-cü il tarixində Üzeyir Hacıbəyli adına Bakı Musiqi Akademiyasında  COP29 “İqlim dəyişmələri” mövzusunda dəyirmi masa keçirildi. 

Qeyd edək ki, layihənin prodüseri Bakı Musiqi Akademiyasının “Azərbaycan ənənəvi və müasir texnologiyalar” kafedrasının prodüseri, professor  Mina Hacıyevadır. 

Tədbirə başlamadan öncə Mina xanım Hacıyeva hər kəsi salamlayaraq, tədbirin xüsusi qonağı yazar, tərcüməçi, ictimai fəal Rüstəm Mirzəyevi tamaşaçılara təqdim etdi.

Rüstəm Mirzəyev Cop 29 “İqlim dəyişmələri” mövzusunda geniş söhbət aparıb, dünyada baş verən iqlim dəyişmələri, insanlar tərəfindən ətraf mühitin çirkləndirilməsi, təbiətin qorunmasının vacibliyi haqqında ətraflı məlumat verdi. O, eyni zamanda BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29-un bu il noyabr ayında Azərbaycanda keçiriləcəyini də bildirdi. 

Həmçinin tələbələr də dəyirmi masada yaxından iştirak edib, mövzuya əsaslanaraq müəyyən təkliflər irəli sürdülər və onları maraqlandıran suallar cavablandırıldı.

BMA-nın Tədris işləri üzrə prorektoru, professor Nərminə Quliyeva da öz növbəsində maarifləndirici tədbir üçün Mina xanım və Rüstəm Mirzəyevə təşəkkürünü bildirib, tələbələrin Cop 29 bağlı layihələrdə yaxından iştirak etmələrinin zəruri olduğunu vurğuladı.