16 may 2024-cü il tarixində Avropa Azərbaycan Məktəbinin 9 nəfər 4-cü sinif şagirdləri Üzeyir Hacıbəyli adına Bakı Musiqi Akademiyasına ekskursiyaya gəlmişlər.

Ekskursiya zamanı şagirdlər SSRİ və Azərbaycan Respublikasının Xalq artisti, dirijor Ramiz Məlik Aslanın rəhbərliyi altında Ü.Hacıbəyli adına BMA-nın tələbə simfonik orkestrinin məşq zamanı ifalarını dinlədilər, orqan sinfinə gedib, Əməkdar incəsənət xadimi, Əməkdar müəllim, professor Rasimə Babayevanın, sonra vokal sinfinə gedib SSRİ və Azərbaycan Respublikasının Xalq artisti, Azərbaycan SSR Dövlət mükafatı laureatı, professor Fidan Qasımovanın, zərb alətləri sinfində Firuz Hüseynovun dərs prosesində iştirak etdilər, musiqi alətlərilə tanış olub, tələbələrin ifalarını dinlədilər. Həvəskar şagirdlər hətta zərb alətlərində ifa etməyə cəhd göstərdilər.

Ü.Hacıbəyli adına Bakı Musiqi Akademiyasına səfər edən şagirdlər klassik musiqi dünyasına qərq olub, görkəmli musiqi xadimləri ilə tanış oldular və onlarla, BMA-nın önündə xatirə şəkilləri çəkdirərək, xoş təəssüratlarla ayrıldılar.