• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    15 mart  2024-cü il

    15 mart 2024-cü il tarixində Azərbaycan Respublikası Səhiyyə Nazirliyi Milli Hematologiya və Transfuziologiya Mərkəzi, Üzeyir Hacıbəyli adına Bakı Musiqi Akademiyası və Şuşa Dövlət Musiqili Dram Teatrının birgə təşkilatçılığı ilə Mərkəzdə müalicə alan uşaqlar üçün “Dovşanın ad günü” adlı musiqili tamaşa və “Novruz şənliyi” nümayiş olundu.

    Daha sonra Mərkəzdə stasionar müalicə alan uşaqlara hədiyyələr təqdim olundu. 

    Bu sevinci onlara yaşatdıqları üçün Milli Hematologiya və Transfuziologiya Mərkəzi Üzeyir Hacıbəyli adına Bakı Musiqi Akademiyasının tələbələrinə, Şuşa Dövlət Musiqili Dram Teatrının rəhbəri və aktyor  heyətinə dərin təşəkkürünü bildirdi. 

    Back to Top