20 Yanvar 2023-cü il tarixində Üzeyir Hacıbəyli adına Bakı Musiqi Akademiyasının “Maestoso” tələbə klubu tərəfindən  online formatda  “Microsoft teams” proqramında 20 Yanvar faciəsinə həsr olunmuş “20 Yanvar- Qanlı gecə”  adlı anım tədbiri keçirildi. 

Tədbirdə “Tarix-nəzəriyyə” fakültəsinin Musiqişünaslıq  ixtisası üzrə təhsil alan I kurs tələbələri Tərlan Çirapi  və Jalə Ağazadə  20 Yanvar  gecəsində  azadlıq uğrunda küçələrə çıxan silahsız dinc sakinlərə qarşı törədilmiş dəhşətli  cinayət hadisələrini tarixi faktlarla sadalayaraq, öz məruzələrini səsləndirdilər.  Daha sonra Bəstəkarlıq  ixtisası üzrə təhsil alan I kurs tələbəsi Həsən Bədəlzadə Azərbaycan Mədəniyyət və İncəsənət sahəsində  Qanlı 20 Yanvar faciəsinə həsr olunmuş  kifayət qədər əsərlərin yazılmasından və  Azərbaycan bəstəkarlarının ən mükəmməl musiqi əsərlərinə də sirayət etməsindən söhbət açaraq, məruzəsini davam etdirdi.

 Müstəqil Azərbaycan Respublikasında yaşayan hər bir nizam-intizamlı gəncin ən vacib vəzifəsi tarixin qan yaddaşını unutmamaq və gələcək nəsillərə ötürməkdir. Bu baxımdan belə anım tədbirlərinin keçirilməsi gələcək nəsillərin tarixi hadisələri unutmaması, keçmişimizin xatırlanması üçün çox mühüm sənəddir.