• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    27 noyabr 2019-cu il

    “The Spirit of Azerbaijan” musiqi albomu ictimaiyyətə təqdim olunub


    Azərbaycan Diasporuna Dəstək Fondunun maliyyə dəstəyi ilə Parisdə yaşayan həmyerlimiz, Beynəlxalq müsabiqələr laureatı, pianoçu-bəstəkar Etibar Əsədlinin “The Spirit of Azerbaijan” musiqi albomu ictimaiyyətə təqdim olunub.
    Layihənin hazırlanmasında məqsəd milli musiqimizin geniş təbliği, Azərbaycan xalq və bəstəkar mahnılarının daha geniş auditoriyaya tanıdılmasıdır.
    Musiqi albomunun hazırlıq işləri Parisdə və Bakıda aparılmışdır. Albomda Etibarın royalda canlı ifası ilə Azərbaycan Xalq mahnılarından “Küçələrə su səpmişəm”, “Sarı gəlin”, bəstəkar mahnılarından Fikrət Əmirov “Mən səni araram”, Emin Sabitoğlu “Bəlkə, bəlkə, bəlkədə”, Səid Rüstəmov “Qurban adına”, Sevil Əliyeva “Qayıt əzizim”, Tofiq Quliyev “Əziz dost”, Muğam improvizasiya və Etibar Əsədlinin öz bəstələri lentə alınmışdır. Musiqi albomunda ifalarla yanaşı Azərbaycan musiqisi, layihə və ifaçı haqqında ingilis dilində məlumatlar verilmişdir.
    Layihənin musiqi redaktoru Sənətşünaslıq üzrə fəlsəfə doktoru Vüqar Hümbətovdur.

     

    Back to Top