• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    20 – 25 oktyabr 2018-ci il

    20 – 25 oktyabr 2018-ci il tarixində Norveçin Bergen Universiteti Qriq Musiqi Akademiyası, Ü. Hacıbəyli adına Bakı Musiqi Akademiyası, V.Saracişvili adına Tbilisi Dövlət Konservatoriyası və Kurmanqazı adına Qazaxstan Milli Konservatoriyası arasında keçirilən “Musiqi və Bədii Tədqiqat Biliyi Şəbəkəsi EURASİA” layihəsi Gürcüstanda, Tbilisidə davam etmişdir.

    22 – 23 oktyabr tarixində keçirilən layihənin koordinatorlarının görüşündə BMA-nı Beynəlxalq əlaqələr şöbəsinin layihələr üzrə mütəxəssisi Şəfiyeva Zülfiyyə təmsil etmişdir. Görüş zamanı 4 ali musiqi təhsili müəssisəsinin tələbələrinin mübadiləsi ilə bağlı müxtəlif məqamlar müzakirə edilmişdir. Həmçinin, layihə çərçivəsində Qazaxstanın Almatı şəhərində keçiriləcək növbəti konsert haqqında söhbət aparılmışdır.
    24 oktyabr tarixində isə V.Saracişvili adına Tbilisi Dövlət Konservatoriyasında keçirilmiş 4 ali musiqi təhsili müəssisəsinin tələbələrinin iştirakı ilə birgə konsert keçirilmişdir. Konsert proqramında Ü.Hacıbəyli “Arazbarı”, K.Şildevayev “Kara Kəmər”, Ukili Ybyray “Gakku”, M.Thormodsater “İnventio”, H.Saverud “Piano üçün duetlər”, S.Tsintsadze “Simli kvartet üçün 3 miniatür” səsləndirilmişdir. Konsertdə Bakı Musiqi Akademiyasının 2-ci kurs magistr tələbəsi Ziba Rəcəbli (alt) Qriq Akademiyasının tələbəsi Finlay Hare (violonçel), Tbilisi Dövlət Konservatoriyasının tələbəsi İrina Rostomaşvili (skripka) və Qazaxstan Milli Konservatoriyasının tələbəsi Aydana Şildebayeva (skripka) ilə kvartet tərkibində Ü.Hacıbəylinin “Arazbarı” əsərini ifa etmişdirlər.

     

    Back to Top