• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    25 may 2026-cı il 

    25 may 2026-cı il tarixində Üzeyir Hacıbəyli adına Bakı Musiqi Akademiyasının Böyük zalında keçirilən “Kamera Musiqisi Axşamı” musiqisevərlərə unudulmaz anlar yaşatdı.

    Konsertdə professor K.Neymanova, T.Babayeva, F.Əhmədbəyova, dosent T.Əliyeva və K.Erişenin,  baş müəllim Xəyalə Abdullayevanın tələbələri maraqlı proqramla çıxış edərək, klassik kamera musiqisinin incəliklərini dinləyicilərə təqdim etdilər.

    Təşkil olunan axşamda gənc ifaçılar - Elçin Məmmədov, Zərrin Əliyeva, Ümid Mustafazadə, Xəlil Mütəllibov, Sadiq Heybətov, İlqar Bədəlli, Xədicə Qasımova, Zümrüd Əlizadə, Sara Marçek, Hüseyn Rzayev, Heydər Həyatov, Əli Adıgözəlov, Aydan Hacıəhmədova, Əli Hüseynlinin peşəkar səhnə çıxışları tamaşaçılar tərəfindən böyük rəğbətlə qarşılandı.

    Gecə boyu səslənən əsərlər yüksək ifaçılıq məharəti və musiqi harmoniyası ilə yadda qaldı. 

    Back to Top