• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    26 aprel  2026-cı il 

    26 aprel 2026-cı il tarixində Qara Qarayevin Ev Muzeyində unudulmaz musiqi axşamı baş tutdu.

    Üzeyir Hacıbəyli adına Bakı Musiqi Akademiyasının “Kamera ansamblı” kafedrasının tələbələrinin iştirakı ilə təşkil olunan bu konsert görkəmli oftalmoloq, alim, akademik Zərifə Əliyevanın 103 illiyinə həsr olunmuşdur.

    Gənc ifaçıların yüksək peşəkarlıqla təqdim etdikləri proqram klassik musiqinin incilərini bir araya gətirdi. Konsertdə Qara Qarayev, Johann Sebastian Bach, Johannes Brahms, Ludwig van Beethoven, eləcə də digər görkəmli bəstəkarların əsərləri səsləndirildi.

    Baş müəllimlər N.Hacızadə, S.Yolçuyeva və X. Abdullayevanın rəhbərliyi ilə hazırlanan bu musiqi gecəsi həm peşəkar ifaçılıq səviyyəsi, həm də emosional zənginliyi ilə seçildi.

    Gənc musiqiçilərin çıxışları dinləyicilərə dərin estetik zövq bəxş edərək, klassik musiqinin əbədi gözəlliyini bir daha nümayiş etdirdi. 

    Back to Top