Üzeyir Hacıbəyli adına Bakı Musiqi Akademiyasında 21 noyabr 2025-ci il tarixində dahi bəstəkar Üzeyir Hacıbəylinin 140 illik yubileyinə həsr olunmuş təntənəli konsert proqramı keçirildi.

Tədbir  “İfaçılıq” fakültəsi “Simli alətlər” kafedrasının  təşəbbüsü ilə təşkil olunmuşdur. Konsertdə Respublika və Beynəlxalq müsabiqələr laureatları çıxış edərək klassik musiqi nümunələrini səsləndirdilər.

Səhnədə “Simli alətlər” kafedrasının tələbələri - Telmina Bayramzadə, Səidə Əhmədova, Zərrin Əliyeva, Aybəniz Həsən, Səbinə Həsənzadə, Ləman İsmayılova, Nərmin Quliyeva, Vaqif Qurbanov, Fidan Musayeva kimi istedadlı gənclər çıxış etdilər.

Konsertyemsterlər: Arzu Səfərova, Zöhrə Salamova, Nuranə Qurbanova, Səbinə Muradova, Günel Hacıyeva, Elçin Məmmədov.

Konsert boyunca tələbələrin ifasında səslənən musiqi nömrələri milli musiqi irsinə dərin hörmət duyğuları ilə müşayiət olundu.

Dinləyicilərin ruhunu oxşayan konsert tədbiri tamaşaçılar tərəfindən böyük maraqla qarşılandı.