• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    26 sentyabr  2025-ci il 

    Üzeyir Hacıbəyli XVII Beynəlxalq Musiqi Festivalı çərçivəsində “Detaşe” violinoçular ansamblının  konserti baş tutdu.

    Heydər Əliyev Fondu və Mədəniyyət Nazirliyinin təşkilatçılığı ilə 26 sentyabr 2025-ci il tarixində Kamera və Orqan Musiqi zalında təntənəli konsert keçirildi.

    Xalq artisti, Zəhra Quliyevanın bədii rəhbəri olduğu “Detaşe” violinoçular ansamblı (konsertmeyster:Səbinə Muradova) əsrarəngiz çıxışı ilə dinləyicilərin zövqünü oxşadı. 

     Gecənin solistləri Xalq artisti, professor Zəhra Quliyeva və Ləman İsmayılova zəngin çalarlı konsert proqramı ilə çıxış etdilər.

    Proqramda İ.S.Baxın 2 violin üçün konsert, d moll, l hissə, G.F.Telemannın 4 violin üçün konsert, D dur, F.Şubertin “Ave Mariya”, N.Rimski-Korsakovun “Arı uçuşu”, P.İ.Çaykovskinin “Vals”, Z.Paliaşvilinin “Lekuri”, Üzeyir Məmmədovun “Xatirə”, E.Doganın “Vals”, S.Prokofyevin “Marş”, İ.Ştrausun “Anna Polka”, op.117, S.Rüstəmovun “İntizar”, Ü.Hacıbəylinin “Koroğlu” operasından ll rəqs əsərləri dinləyicilərə təqdim olundu.

    Festival çərçivəsində təqdim olunan bu musiqi axşamı tamaşaçılara unudulmaz anlar bəxş edib və dinləyicilərin alqışları ilə yadda qaldı.

    Back to Top