• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    22 may 2025-ci il 

    Ü.Hacıbəyli adına Bakı Musiqi Akademiyasında Üzeyir Hacıbəylinin 140 illik yubileyinə həsr olunmuş konsert keçirildi.

    Azərbaycan professional musiqi sənətinin banisi, dahi bəstəkar Üzeyir Hacıbəylinin 140 illik yubileyi münasibətilə 22 may 2025-ci il tarixində Üzeyir Hacıbəyli adına Bakı Musiqi Akademiyasında möhtəşəm konsert proqramı təqdim olundu.

    Dinləyicilər üçün əsl musiqi ziyafəti olan  tədbir Akademiyanın "İxtisas fortepiano" kafedrasının “Ansambl ifaçılığı” fənni üzrə tələbələrinin iştirakı ilə baş tutdu. Konsertdə gənc musiqiçilər rəngarəng musiqi nömrələri ifa edib, yüksək peşəkarlıq nümayiş etdirdilər.

    Konsert proqramında çıxış edən tələbələr:

    Afət Süleymanova, Mehin Zaliyeva, Qəmər Mehdiyeva, Səmimət Salahova, Gülnar İrşadi, Ayan Həsənova, Züleyxa Bayramzadə, Aygün Baratzadə, Xədicə Bəşirova, Fidan Əlizadə, Ayşə Məmmədova, Aysu Abbasova, Şəhla Yusibova, Solmaz Əliyeva, Zümrüd Əlizadə, Əli Hüseynli, Səriyyə Ağakişiyeva və Fatimə Axundova musiqi nömrələri ilə çıxış etdilər.

    Tədbirdə zərb alətlərində Hüseyn Əliyev, nəfəs alətlərində isə Emin Salahzadə ifa edərək konsertə xüsusi rəng qatdılar.

    Bakı Musiqi Akademiyası bu konsertlə təkcə Üzeyir Hacıbəyli irsini yad etməklə kifayətlənmir, həm də gənc ifaçıların peşəkar inkişafı və milli musiqi ənənələrinin yaşadılmasına verdiyi töhfəni bir daha nümayiş etdirir.

    Back to Top