• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    7 aprel 2025-ci il 

    7 aprel 2025-ci il tarixində Üzeyir Hacıbəyli adına Bakı Musiqi Akademiyasında “Fortepiano” fakültəsi tələbələrinin “İfaçılıq sənətinin tarixi” fənnindən “Rəqs antologiyası” adlı konserti keçirildi. 

    Konsertdə “Sabah” qrupunun 2-ci kurs tələbələri Nigar Hüseynli, Fatimə Məmmədova, Aytac Əlizadə, İlqar Bədəlli, Banu Tağıyeva, Nərmin Günəşova, Nigar Vəlizadə, Elvin Əliyev, magistratura pilləsinin tələbələri Gülnar İrşadi, Ayla Həsənova, Səbinə Vəlibəyova, həmçinin Bülbül adına Orta ixtisas musiqi məktəbinin 11-ci sinif şagirdi Qadir Günəşov uğurla çıxış etdilər.

    Bir-birindən maraqlı musiqi əsərlərinin ifa olunduğu konsert tədbiri dinləyicilər tərəfindən maraqla qarşılanaraq, gurultulu alqış sədaları altında başa çatdı.

    Back to Top