• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    14 mart 2025-ci il 

    14 mart 2025-ci il tarixində Üzeyir Hacıbəyli adına Bakı Musiqi Akademiyasında MeJAZZ Bandın Caz konserti baş tututdu.

    Konsertdə istedadlı ifaçılar Məhəmməd Allahverdiyev (piano), Kamil Tazakanaşvili (bas gitara), Həsən Bilalov (zərb alətləri) möhtəşəm performans nümayiş etdirdilər.

    Caz sevərləri bir araya gətirən konsert proqramında Vaqif Mustafazadənin ”Əzizə”, Tofiq Quliyevin ”Zibeydə”, Azərbaycan xalq rəqsi Tərəkəmə”, Azərbaycan Xalq Mahnısı ”Gül açdı”, Armando’s Rhumba, ”Qarabağ Şikəstəsi” əsərləri dinləyicilərə təqdim olundu.

    Caz musiqi axşamı tamaşaçıların gurultulu alqışları ilə qarşılandı.

    Back to Top