28 fevral 2025-ci il  tarixində Müslüm Maqomayev adına Azərbaycan Dövlət Akademik Filarmoniyasının səhnəsində “Yeni adlar”  layihəsi çərçivəsində konsert baş tutdu.

Qeyd edək ki, layihənin koordinatoru Azərbaycan Respublikasının Xalq artisti, professor Yeganə Axundovadır.

Dirijor Mustafa Mehmandarovun rəhbərliyi, Üzeyir Hacıbəyli adına Azərbaycan Dövlət Simfonik Orkestrinin müşayiəti ilə solistlər - Respublika və beynəlxalq müsabiqələr laureatları Asim Rzazadə (klarnet), Rəşad Abdullayev (fleyta) və Əli Adıgözəlov (piano) dinləyicilər qarşısında çıxış etdilər.

Proqramda  C.M.Weberin klarnet və orkestr üçün 1 saylı konsert f-moll (op. 73), C.Reineckenin fleyta və orkestr üçün konsert D-dur (op. 283), S.Prokofyevin piano və orkestr üçün 1 saylı konsert f-moll (op. 1) əsərləri səsləndirildi.

Məlumat üçün nəzərinizə çatdıraq ki, “Yeni adlar” müasir Azərbaycan ifaçılıq sənətinin inkişafına, bu sahədə gənc istedadlı nəslin tanınmasına, parlaq ifaçıların yetişməsinə xidmət edən layihədir.