• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    19 fevral 2025-ci il 

    19 fevral 2025-ci il tarixində Üzeyir Hacıbəyli adına Bakı Musiqi Akademiyasının Tələbə Gənclər Təşkilatının dəstəyi ilə “Opera Class” konserti keçirildi.

     Ön sözlə BMA-nın Tələbə Gənclər Təşkilatının sədri Fidan Əliyarzadə çıxış edərək, konserti açıq elan etdi.

    Azərbaycan Respublikasının Əməkdar artisti, BMA-nın “Solo oxuma və opera hazırlığı” kafedrasının baş müəllimi İlham Nəzərovun tələbələri - Kənan Rəhmanzadə, Müseyib Əsədov, Dinara Əliyeva, İqor Yadrov, Ariz Nəbiyev, Nuray İsmayılova, Maya İsmayıllı, Fidan İbrahımova uğurla çıxış etdilər.

    Konsert proqramında Azərbaycan və xarici ölkə bəstəkarlarının əsərləri dinləyicilərə təqdim olundu.

    Gənc musiqiçilərin parlaq ifası tamaşaçılar tərəfindən gurultulu alqışlarla qarşılandı.

    Back to Top