• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    6 noyabr  2024-cü il

    6 noyabr 2024-cü il tarixində Üzeyir Hacıbəyli adına Bakı Musiqi Akademiyasında “Payız ritmləri” adlı rəngarəng konsert proqramı təqdim olundu.

    “XX-XXl əsr ifaçılıq repertuarı” fənnini tədris edən BMA-nın dosenti Yeganə Mustafayevanın tələbələrinin ifasında parlaq musiqi nömrələri səsləndirildi.

    “İxtisas fortepiano” kafedrasının l kurs tələbələri- Mehin Zalıyeva, Zümrüd Əlizadə, Solmaz Əliyeva, Fatimə Məmmədova, Şəhla Yusibova, Afət Süleymanovanın ifasında O.Petersonun “Laurentide Waltz”, A.Rozenblattın “Qu gölü” baletinə fantaziya, Ə.Mustafazadənin “Melanxolik prinses”, “Şopenin son günü”, E.Klaptonun “Payız yarpaqları”, A.Xinasteranın “Üç Argentin rəqsi”, M.Şmitin “Mr.Boogie davam edir”, A.Piazzolanın “Libertanqo” əsərləri böyük şövqlə ifa olundu.

    Təntənəli konsert tədbiri tamaşaçılar tərəfindən coşqu ilə qarşılandı.

    Qeyd edək ki, konsert Cop 29 - İqlim dəyişmələri layihəsi çərçivəsində keçirilmişdir.

    Back to Top