28 sentyabr 2024-cü il tarixində  Kamera və Orqan Musiqi zalında görkəmli musiqiçi, dünya şöhrətli violin ustası və dirijor Dmitri Sitkovetskinin  70 illiyinə həsr olunmuş təntənəli konsert keçirildi.

Dirijor Azərbaycan Respublikasının Əməkdar artisti Fuad İbrahimovun rəhbərliyi, Bakı Kamera Orkestrinin müşayiəti ilə solist və dirijor - Dmitri Sitkrovetski (violin), solistlər Boris Qarlitski (violin) və Yuliya Sitkovetski (soprano) öz ifalarını dinləyicilərə təqdim etdilər.

Qeyd edək ki, Bakı Kamera Orkestrinin bədii rəhbəri SSRİ və Azərbaycan Xalq artisti, professor Fərhad Bədəlbəyli, baş dirijoru Azərbaycan Respublikasının Əməkdar artisti Fuad İbrahimov, direktoru Azərbaycan Respublikasının Xalq artisti, professor Yeganə Axundovadır.

Proqramda İ.S.Bach iki violin üçün konsert d moll, 3 saylı ingilis süitasından Gavot və Musette g moll (2-ci hissə), B.Britten soprano və simlilər üçün “Les İlluminations” (op.18), E.Dohnanyi “1 Mart” serenadası C dur (op.10, 2-ci hissə), J.Brahms simlilər üçün 2 saylı sekstet G dur (op.36), Adajio (3-cü hissə), F.Mendelssohn-Bartholdy Kapriççio (4-cü hissə) səsləndirildi.

Konsert tamaşaçılar tərəfindən gurultulu alqışlarla qarşılandı.

1

3

2

4