21 may 2024-cü il tarixində Kövkəb Səfərəliyeva adına 16 nömrəli Uşaq Musiqi Məktəbində Üzeyir Hacıbəyli adına Bakı Musiqi Akademiyasının “Metodika və xüsusi pedaqoji hazırlıq” kafedrasının “Musiqi müəllimliyi” şöbəsi tələbələrinin konserti keçirildi. 

Tədbirdə Əməkdar müəllim, professor Leyla Məmmədəliyeva, dosentlər Nərgiz Əlizadə, Nərgiz Hüseynova, Həqiqət Yusifova, Mədinə Tuayeva, Sevinc Sultanova, Fatimə Əliyeva və baş müəllim Nairə Qulamovanın  istedadlı tələbələri uğurla çıxış etdilər. 

Zəngin konsert proqramında Azərbaycan, Avropa və rus bəstəkarlarının əsərləri səsləndirildi.

Gənc musiqiçilərin uğurlu ifası dinləyicilərin zövqünü oxşayaraq, gurultulu alqış sədaları altında başa çatdı.

Sonda məktəbin direktoru  Fikrət Budaqov Xalq artisti, Ü.Hacıbəyli adına Bakı Musiqi Akademiyasının rektoru Fərhad Bədəlbəyli başda olmaqla BMA-nın kollektivinə təşəkkürünü bildirdi və istedadlı tələbələrin ifalarını təqdir edib, onlara uğurlar arzuladı.