14 may 2024-cü il tarixində Üzeyir Hacıbəyli adına Bakı Musiqi Akademiyasının “Konsertmeyster ustalığı” kafedrasının professoru Gülnarə Məmmədyarovanın pedaqoji fəaliyyətinin 40 illiyi münasibətilə təntənəli sinif konserti keçirildi.

Konsertdə  Azərbaycan Respublikasının Əməkdar artisti Anton Ferştandt, respublika müsabiqələr laureatı Safura Aslanova,  respublika və beynəlxalq müsabiqələr laureatı Məhəmmədəli Paşazadə, Nərmin Hüseynli, Ayan Həsənova (Sabah qrupu), Fatimə Hüseynova, Fatimə Vəliyeva, Günel Hacıyeva, Zeyn Cəfərov, Faida Hüseynova, Maya İsmayıllı (Sabah qrupu) parlaq ifaları ilə çıxış etdilər. 

Rəngarəng konsert proqramında F.Əmirovun “Azərbaycan elləri”, P.Jeanjeanın “Clair Matin”, G.Puççininin “Edqar” operasından Frankın ariyası, “Janni Skikki” operasından Janni Skikkinin ariyası, N.Əliverdibəyovun “Elegiya”, S.Raxmaninovun “Aleko” operasından Zemfira və Alekonun dueti; Alekonun ariyası, “Roman”, H.Rzayevin “Çahargah rapsodiyası”, F.Kreyslerin “Mуки любви”, V.Adıgözəlovun “Qərənfil”, S.Darqomjskinin üç romansı, A.Məlikovun “Məhəbbət əfsanəsi” baletindən “Noktürn”, J.Merkerin “Mon River” əsərləri istedadlı musiqiçilər tərəfindən ifa olundu. 

Tamaşaçıların zövqünü oxşayan konsert tədbiri gurultulu alqış sədaları altında başa çatdı. 

Onu da qeyd edək ki, konsert “Yaşıl dünya naminə həmrəylik ili” çərçivəsində keçirilən konsertlər silsiləsindəndir.