30 mart 2024-cü il tarixində Müslüm Maqomayev adına Azərbaycan Dövlət Akademik Filarmoniyasında Azərbaycan Respublikasının Əməkdar İncəsənət xadimi, dirijor Azad Əliyevin xatirəsinə həsr olunmuş təntənəli konsert keçirildi. 

Konsertdə Bakı Kamera Orkestrinin (bədii rəhbəri SSRİ Xalq artisti, professor Fərhad Bədəlbəyli, direktoru Azərbaycan Respublikasının Xalq artisti, professor Yeganə Axundova, baş dirijoru isə Azərbaycan Respublikasının Əməkdar artisti Fuad İbrahimov) müşayiətilə solistlər - dünya şöhrətli pianoçular, SSRİ və Azərbaycanın Xalq artisti Fərhad Bədəlbəyli, Azərbaycan Respublikasının Xalq artisti Yeganə Axundova, Xalq artisti Murad Adıgözəlzadə, Beynəlxalq müsabiqələr laureatı, Azərbaycan Dövlət Akademik Opera və Balet Teatrının solisti Mahir Tağızadənin (bariton) parlaq çıxışları ilə musiqisevənlərin ürəklərini fəth etdilər.

Təntənəli konsert proqramında B.Brittenin sadə simfoniya (3 hissə), İ.Şvartsın “Bəyaz gecənin melodiyaları” kinofilmindən  “Gəzinti”, G.Mahlerin “Piano kvarteti”, P.İ.Çaykovskinin “Снова, как прежде, один» romansı, S.Raxmaninovun “Проходит все”, “Все отнял у меня”, “O нет, молю, не уходи”, “Vokaliz” romansları, İ.S.Baxın Piano və orkestr üçün ikili konserti C dur (ll, lll hissələr), F.Şopenin Noktürn N.1 c moll, op.48 əsərləri dinləyicilərə təqdim olundu. 

Konsert dinləyicilərin ruhunu oxşayaraq, gurultulu alqışlarla qarşılandı.