18 dekabr 2023 il tarixində Bakı Dövlət Universitetinin böyük zalında Ümummilli lider Heydər Əliyevin 100 illik yubileyinə həsr olunmuş tədbir keçirildi.

Təntənəli tədbirin təşkilatçıları Bakı Dövlət Universiteti, "Rossotrudniçestvo" təşkilatının Azərbaycandakı nümayəndəliyi və Üzeyir Hacıbəyli adına Bakı Musiqi Akademiyası olub. Heydər Əliyev şəxsiyyətinin dövlətimizin taleyində və dünya tarixindəki rolundan və əhəmiyyətindən BDU-nun rektoru Elçin Babayev, Rusiya Federasiyasının Azərbaycan Respublikasındakı səfiri Mixail Yevdokimov, Milli Məclisin və Azərbaycan Rus İcmasının sədri Mixail Zabelin,  "Rossotrudniçestvo" təşkilatının Azərbaycandakı nümayəndəliyinin rəhbəri İrek Zinnurov, Elm və Təhsil üzrə Dövlət Agentliyinin Ali və orta ixtisas təhsil müəssisələri ilə iş şöbəsinin müdiri Samir Həmidov,  Rusiya (Sovet) Ali Məktəb Məzunlarının Azərbaycan Assosiasiyası İctimai Birliyinin  sədri Üzeyir Əliyev, BDU-nun professoru, tarix elmləri doktoru Azad Rzayev danışıblar. Tədbirin rəsmi və bədii hissələrinin aparıcısı sənətşünaslıq üzrə fəlsəfə doktor,  BMA-nın baş müəllimi Alyona İnyakina idi. Tədbirin bədii hissəsində BMA-nın konsertmeysteri Dilarə Kərimova və Alyona İnyakina Azərbaycan Respublikasının Əməkdar artistləri Elnarə Məmmədova və Aleksey Miltıx ilə çıxış etmişdir.