22 dekabr 2023-cü il tarixində Üzeyir Hacıbəyli adına Bakı Musiqi Akademiyasında “İxtisas Fortepiano” kafedrasının tələbələrinin iştirakı ilə  “Dünya azərbaycanlılarının Həmrəylik günü”nə həsr olunmuş təntənəli konsert keçirildi.

Konsertdə kafedranın istedadlı tələbələri Xəlil Mütəllibov, Nuray Əliyeva, Fidan Rəşidova, Faidə Hüseynova, Əli Adıgözəlov, Şəkərxanım Cavadzadə, Hidayət Sadıqbəyli, Aygül Mahmudova, Elçin Məmmədov, Ayan Aslanova, İlqarə Talıbova, Məryəm Məmmədova, Günel İmanova, Jalə İslamova parlaq çıxışları ilə dinləyicilərin zövqünü oxşadılar. 

Zəngin konsert proqramında Sergey Raxmaninovun “Etüd” op.9 № 9 D-dur,  “Etüd-lövhə” op.39  № 6, “Polişinel”, Bella Bartokun “Skerso” (Fantaziya), Ferens Listin “Transcendental etüd” № 12 “Mithel”, List “Transcendental etüd” № 7, Eroica, “Etüd” №2, f-moll “La Leggierezza”, Friderik Şopenin “Skerso” № 2, b-moll, Sergey Prokofyevin “Romeo və Cülyetta” baletindən “Montekkilər və Kapulettilər”, Klod Debüssinin “Clair de Lune” (Ay işığı), İohan Bramsın  “Sonata” № 2, fis-moll, Aleksandr Skryabinin “Etüd” op.8 №7, Moris Ravelin “Suyun oyunu”, Emil Əfrasiyabın “Hacıbeyli jazz” əsərləri dinləyicilərə təqdim olundu.

Xoş təəssüratlarla yaddaşlara həkk olunan konsert tədbiri tamaşaçıların gurultulu alqışları ilə qarşılandı.