• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    13 dekabr 2023-cü il

    13 dekabr 2023-cü il tarixində Üzeyir Hacıbəyli adına Bakı Musiqi Akademiyasında “Ümidlər harmoniyası” adlı xeyriyyə konserti keçirildi. 

    Qeyd edək ki, konsert Bakı Musiqi Akademiyasının “İnstrumental ifaçılıq” fakültəsinin III kurs tələbəsi Pərvin Cavadlı tərəfindən təşkil olunmuşdur. 

    Konsertdə Əsmər Alxazova, Ayan Məmmədova, Ayan Həsənova, Nazə Hacıyeva, Hidayət Sadıqbəyli, Kamil Hüseynzadə, Rəvan Əhmədzadə, Rəşad Abdullayev, Cavad Məmmədsadıx, Sənan Rəfael oğlu, Əli Talıbov, Rafət Məmmədov, Həsən Rza, Ağamehdi Mirzəyev, The Passion, “Sabah” qrupunun xoru çıxış etdilər.

    Proqramda Azərbaycan və xarici bəstəkarların əsərləri səsləndirildi.

    Onu da qeyd edək ki, konsertdən yığılan vəsaitlə Talassemiya mərkəzində olan uşaqlara Yeni il hədiyyələri və ehtiyacı olan ailələrə yardım göndərilmişdir.