1 dekabr 2023-cü il tarixində Üzeyir Hacıbəyli adına Bakı Musiqi Akademiyasında İfaçılıq fakültəsi “Simli alətlər” kafedrasının tələbələrinin iştirakı ilə maraqlı konsert tədbiri keçirildi. 

Konsertdə çıxış edən BMA-nın istedadlı tələbələri Aydan Hacıəhmədova, Telmina Bayramzadə, Aytac Rzayeva, Zeyn Cəfərov, Humay Hacızadə, Oruc Aşumov, Emil Hüseynov, Cavid Ağayev, Fidan Həsənova, Özcan Cabbari, Kənan Məmmədzadə məharətli ifaları ilə dinləyicilərdə xoş təəssüratlar yaratdılar. 

Rəngarəng konsert proqramında Giuseppe Tartininin Sonata N.1, Jyul Massnenin “Düşüncə”, İohan Sebastiyan Baxın Sonata N.2, Fritz Kreyslerin “Çin tamburini”, “Məhəbbət sevinci”, Qabriel Forenin “Elegiya”, Pablo Sarasatenin “Bask kapriççiosu”, Sergey Raxmaninovun “Romans” N.7, Qara Qarayevin “Adajio”, İsak Albenisin “Malaguena”, Ejyen İzainin Sonata N.4 əsərləri səsləndirildi.

Gənc musiqiçilərin peşəkar ifası hər kəs tərəfindən rəğbətlə qarşılandı və konsert gurultulu alqış sədaları altında başa çatdı.