15 noyabr 2021-ci il tarixində Kamera və Orqan Musiqi Zalında Zəfər gününə həsr olunmuş “Zəfərin mübarək, Vətən!” adlı orqan musiqisi axşamı keçirildi. 

Qeyd edək ki, tədbirin bədii rəhbəri Əməkdar incəsənət xadimi, professor Tahirə Yaqubovadır.  Tədbirdə ön sözlə Şəfəq Abdullayeva çxış edərək, konserti açıq elan etdi. 

Zəngin konsert proqramında Cerimaya Klarkın “Rondo virtuoso” (Solistlər:Fidan Rəşidova(orqan), Fərhad Şükürov (truba), Rixard Vaqner-Ferents List - “Yürüş” (Solist:Fidan Rəşidova (orqan), Asəf Zeynallının “Ölkəm” romansı (solist, orqan üçün işləyəni Şəfəq Abdullayeva-ilk ifa), Üzeyir Hacıbəylinin “Koroğlu” operasından Uvertüra (orqan üçün işləyəni Şəfəq Abdullayeva), Azərbaycan xalq mahnısı “Ay Laçın” (Solistlər:Sevinc Mirzəli (kamança), Şəfəq Abdullayeva (orqan), İohan Sebastyan Baxın Xoral Prelüd Es dur (Solist:Nigar Məmmədova (orqan), Feliks Mendelsonun Üç nömrəli Sonata, Hans-Andre Ştamın  “Rondo alla latina”, Qordon Yangın Klassik üslubda Prelüd, Üzeyir Hacıbəylinin Azərbaycan Repsublikasının Dövlət Himni (orqan üşün işləyəni Tahirə Yaqubova) (elansız) (Solist:Nigar Məmmədova (orqan) əsərləri dinləyicilərə tədqim olundu. 

Bayram ab-havalı konsert gecəsi tamaşaçıların gurultulu alqış sədaları altında başa çatdı.