26 oktyabr 2023-cü il tarixində Kamera və Orqan Musiqisi Zalının səhnəsində Bakı Kamera Orkestrinin konserti  (Bədii rəhbər: Azərbaycan və SSRİ xalq artisti, Üzeyir Hacıbəyli adına Bakı Musiqi Akademiyasının rektoru, professor Fərhad Bədəlbəyli, Direktor: Azərbaycan Respublikasının xalq artisti, Bakı Musiqi Akademiyasının prorektoru professor Yeganə Axundova, Baş dirijor: Azərbaycan Respublikasının  əməkdar artisti Fuad İbrahimov) keçirildi.

Baş dirijor Azərbaycan Respublikasının Əməkdar artisti Fuad İbrahimovun rəhbərliyi ilə orkestrin ifasında  İohan Sebastiyan Baxın Simlilər üçün Üç nömrəli “Brandenburq” Konserti, Volfqanq Amadey Mosartı Adajio və Fuqa c-moll, Robert Şumanın Bax adına 6 Fuqa, op.60, Vüqar Məmmədzadənin “Sevgi kölgələri”, əsərləri səsləndirildi. 

Sonda səsləndirilən Valentin Silvestrovun “The messenger 1956” əsərində təbiətin şıltaqlılığı, küləyin səsi musiqi vasitəsilə bədii obrazlı şəkildə çox aydın təsvir olmuşdur.

Musiqiçilərin peşəkar ifası dinləyicilərin böyük marağına səbəb olduğundan, onlar yenidən BiS-də Qara Qarayevin “İldırımlı yollarla” baletindən Ehtiraslı qızların rəqsi əsərini ifa etdilər.

Təntənəli konsert gecəsi tamaşaçıların gurultulu alqış sədaları altında başa çatdı.